新路荒廢10年 變垃圾崗

「啲石屎已經放咗喺度成個禮拜，仲愈堆愈多，有乜理由擺喺馬路都冇人理？就算條路封咗冇車行都唔得㗎！」鍾先生早前行經興華街時，發現其中一段被封閉的路面堆滿裝修廢料，不滿政府反應緩慢，縱容違規行為。鍾又指有關裝修廢料夾雜大量鐵釘，吸引不少拾荒者冒險走進廢料堆中收集鐵釘變賣，部分廢料更被搬至行人路上，對其他行人構成即時危險。

環保署巡查當做騷

當區區議員覃德誠更踢爆，被堆放廢料路段原擬留作轉為雙線行車之用，因規劃失誤而封閉多年，「起咗條路又唔用，運輸署初頭仲話會改做雙程路，點知環保署又唔批，結果咪丟空喺度冇人理囉，仲搞到變埋廢料黑點添！」覃又指環保署人員日常巡查只做「門面工夫」，政府打擊非法放置建築廢物有欠積極，變相縱容違法者繼續佔用官地。

封閉路段被非法棄置裝修廢料，對環境衞生造成嚴重影響。

經本報轉介後，部門才後知後覺，通知商戶清理。

環保政策評議會發言人范熙泰認為，現時政府未有部門專責統籌環保政策，令部門間分工欠缺清晰指引致推卸成風，「咁多年見到檢控率一直咁低，政府話要環保真係要做啲嘢！」

黃先生：「我日日晨運經過呢度，啲廢料揼喺度好耐，搞到成條街烏煙瘴氣！」

梁女士：「啲嘢（廢物）入面有好多鐵枝，我見過有人走去執，真係好危險。」

拒認拖延人為疏忽

運輸署發言人承認，有關路段於九九年年底建成，擬為道路日後改為雙程行車之用，惟因路面設計過闊，需要以混凝土分隔牆收窄行車道，並於○七年開始跟路政署籌劃實施雙程行車細節。因應環保署規定，當局將於今年內展開環境影響評估研究，預計二○一二年內展開相關工程。至於就有關工程拖延多年才開始籌劃是否涉及人為疏忽一事，發言人則未有回應。

路政署發言人則證實，有關路段出現之建築廢料乃鄰近商戶棄置，事後已有商戶委派之承建商自行清理。發言人稱，於公眾地方存放或棄置建築廢料，環保署可以《廢物處理條例》採取執法行動，該署已轉介予環保署跟進。

不過，對於更改規劃的環評問題，以至上址棄置廢料事件是否曾遭檢控，本報分別於二月九日及二月十二日向環保署查詢，惟至截稿前仍未獲回應。