立法會飲食界議員張宇人提出最低工資為時薪二十蚊，成為眾矢之的；雖然廿蚊張經已道歉，但繼續畀人「追殺」佢。立法會《最低工資條例草案》委員會尋日開會，廿蚊張繼續為業界發聲，話行內慣咗出「大糧」同「細糧」，一個月出兩次，如果將來立法，會唔會因其中一份唔符合法例標準而犯法呢？工聯會王國興聽到大細糧即時有反應，話份糧最緊要夠食，話之佢大定細；仲話若然連繁殖後代都做唔到，咁個社會就好可悲同可恥，同廿蚊張頂到行！