飲食界立法會議員兼自由黨副主席張宇人，早前接受傳媒訪問同出席《城市論壇》時，都堅持法定最低工資金額應以保守為原則，訂喺二十蚊就最冇殺傷力，被全城炮轟佢涼薄冇人性，連佢所屬嘅飲食業同自由黨都備受批評，自由黨隨即出嚟劃清界線，話呢個係佢嘅個人意見，唔代表自由黨立場。「張廿蚊」尋日終於召開記者會就有關言論道歉，但同時又唔肯承認自己倡議過將最低工資訂喺廿蚊水平，簡直係「今日的我，打倒昨日的我」！