亞視股權易手問題搞到滿城風雨，股東罵戰好似粵語武俠片咁飛劍盡出，但無礙內地商人王征入股亞視嘅熱誠和決心。身在北京嘅王征尋日話，收購亞視只係一宗小生意，仲雄心勃勃話成功入股亞視後，計劃強化新聞工作，考慮親自披甲上陣，帶領攝製隊到緬甸等亞洲較具爭議性嘅地方採訪，希望將亞視打造成「亞洲CNN（美國有線新聞網絡）」，但一切有待完成交易後才進行。