料萬計白蟻潛伏逾年
「啡色嗰啲係白蟻嘅分泌物，叫做蟻路，係方便佢哋行路嘅！」白蟻專家葉彥修觀察戶主提供的照片後估計，白蟻已在單位潛伏逾年，「佢哋由廚房渠口爬入廁所，幫緊蟻后擴展勢力搵嘢食！」葉指肉眼所見白蟻數目不足反映問題的嚴重性，出現蟻蹤的單位或已有成千上萬的白蟻在暗處匿藏。
外判商經驗不足
對於房署驗收及巡查單位俱無所發現，葉認為乃房署聘請的外判承辦商普遍經驗不足所致，「通常房署搵外判公司搞掂就算，但係佢哋好多都係外行人，分分鐘愈整愈多（蟻）！」葉提醒殺滅白蟻必須對症下藥，不能隨便施以殺蟲水，否則隨時惹來更多白蟻。