到目前鄉議局新大樓建造費仲差五千萬元，局方都係要繼續諗計撲水。張學明愈來愈精叻，近日瞄準政府今年四月起開水喉向村代表發放每季二千元津貼，於是靈機一觸，建議村代表將四年任期嘅津貼，捐一半畀鄉議局起新大樓，如果以約一千五百個村代表計算，四年就捐到二千三百多萬元。

學明話，相信班村代表會好樂意捐款，因大家互相幫忙，學發叔話齋：「有權利就要有義務」。

不過，呢個如意算盤打唔打得響仲係未知數，事關非原居民村代表會否咁順攤捐錢畀局方實在好難講，咁就要睇吓學明點說服班村代表喇！