醫院管理局未有兌現服務承諾，在限期內提供醫療報告，對病人造成不便。歐陽先生於去年十一月因胸口痛往律敦治醫院求診及留院，事後向院方申請醫療報告以便辦理保險索償，苦候八個多星期始取得報告，「明明話四至六個禮拜就得，點知保險搞完先收到（個報告），要嚟都冇用啦！」
律敦治醫院發言人承認，一般情況下，六星期內可提交醫療報告，惟隨後又「死撐」稱，實際情況仍需視乎個別個案而定，亦未有就事件是否涉及人為疏忽作正面回應。
病人互助組織聯盟主席曾建平指出，事件中醫管局明顯未有兌現服務承諾，「可能佢哋做嘢慣咗拖住嚟做，又可能係佢哋根本唔着緊病人嘅利益！」曾建平要求局方徹查延遲原因，並對症下藥改善有關情況。
