煲呔曾用十萬元氹咗麥兜趕回家滾上床幫佢同市民拜年，除咗被批評浪費公帑同愧對市民外，更惹來麥兜迷反感，在社交網站Facebook設立「拯救麥兜，反對賣仔」群組。原本群組發起人只係批評作者麥家碧出賣麥兜嘅靈魂，又模仿麥太叮囑麥兜唔好亂交壞朋友，以後見到打煲呔嘅人要記得大聲嗌「唔好」，點知引來一眾麥兜迷蜂擁加入群組聲援。
有麥兜迷心痛麥兜愈來愈墮落，竟成為政府喉舌：「唔住大角咀危樓，搬咗去西九文娛區；唔行樓梯返幼稚園，改咗小心搭升降機；唔食魚蛋同養金魚，情願走去氯氣游泳池玩。」有麥兜迷就批評煲呔曾污辱咗純真無邪嘅麥兜，又質疑《回家真好》主題係咪想諷刺菜園村村民？抑或想嘲弄馬頭圍道塌樓嘅災民無家可歸？定係暗示自己就快腳痛下台告老歸田呢？
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
