香港迪士尼開幕初期，常被遊客狠批要搜查隨身物品，又不准攜帶食水與食物入園，香港迪士尼保安營運經理郭劍虹首度為樂園保安解畫，「成個理念係反恐，好多人以為我哋想搜食物，其實更重要係搜出刀同武器！」樂園過去最常搜出生果刀，亦曾有內地旅客帶備雙節棍、摺櫈，更有休班警員帶佩槍入園。

樂園保安及安全事務部約有二百人，統稱為保安款待專員，七成半穿着制服，部分負責為遊客入園前檢查手提行李，曾有不少「驚人發現」。郭劍虹指出，過去曾有遊客大搖大擺拖着全體乳豬、原隻真空鴨入園，亦有人徒手抽着兩大袋飯盒、十打蛋撻、原個西瓜，甚至半打罐裝汽水入場，當然全數都被「隔離」，不准攜帶入園。

「遊客如果一定要食飯同飲汽水，就會送佢飲食券！公司唔計較皮毛嘢，個客唔想畀錢寄存，會酌情給予免費寄存。」郭劍虹表示，經過四年多的觀察，樂園已就亞洲市場旅客的特性逐步作出微調，容許遊客有限度攜帶食物入場，只要不是玻璃樽或罐裝，清水及適量食品均可放行，但其他物品則一律會要求客人寄存或處理後方可進場。至於攜帶球拍及有轆行李篋，後者亦已於去年底起放寬。

曾查出假證人士

迪士尼保安款待專員另外一個重要任務，是檢查出入車輛及進行人事登記。任職兩年多的林達賢去年成功協助警方捉拿了一名持假身份證的人士，更獲得警方頒發傑出保安員殊榮。「當時查車，我一眼望出佢張身份證深色咗，覺得好可疑！」由於對方好「大隻」，惟有施計拖延，召喚同事增援。