年廿八、仍未洗邋遢！耗資十四萬元、由葵青民政事務處舉辦的長者歲晚兩小時清潔活動，但最少已出現三十多宗「求其抹吓就算」、快閃，甚至「放飛機」等貨不對辦個案。長者怒斥「不如自己做好過」的同時，區議員亦不滿計劃欠缺監管，白白浪費公帑。立法會議員懷疑問題與政府慣常使用的價低者得的招標模式有關，建議由志願團體聘請居民清潔，確保質素。
記者 梅可茵
今年一、二月舉辦的「葵青區弱勢社群及長者家居清潔大行動」，主要透過區議員或非政府機構物色有需要家庭，協助進行家居清潔。根據招標要求，承辦商須以最低招標價聘請、須為每戶提供約兩小時清潔服務及送贈清潔禮品包。
不過，居於長康邨的周婆婆卻指清潔職員上門「做咗等如冇做」，有違服務承諾，「話明係幫我抹屋，點知佢哋做咗十分鐘就走，屋企仲有成排窗未抹，佢哋只係留底咗啲嘢（清潔用品），叫我簽收就走！」另一「受害人」簡婆婆亦稱，清潔員只清潔客廳地板約十五分鐘便離去，廚房至今仍滿布塵埃，「結果都係要自己抹番，政府真係搵嘢嚟搞！」此外，亦有清潔員只隨手留下清潔禮品包便告離去，令長者無端遭「放飛機」。
低價招標拖低質素
「佢哋都唔尊重長者，有心嘅話點會咁求其？」當區區議員徐曉杰指民政處去年曾舉辦類似活動，反應尚佳，但今次卻接獲逾三十宗投訴，懷疑與活動舉辦倉促及缺乏監管有關，「有長者話上門職員叫自己做義工，唔識洗嘢，有啲就話呢樣唔抹得，嗰樣唔抹得！」徐建議加強驗收程序及在合約訂明罰則，倘服務欠佳便列入永不錄用名單，以收阻嚇作用。
葵青區議員周奕希亦承認，曾接獲三宗荔景邨長者不滿活動質素欠佳的投訴，並已向民政處反映，「啲街坊話今次做得好求其，好多要自己善後，如果可以請番區內街坊幫長者做清潔，情況應該好好多？」
已提警告考慮懲處
立法會民政事務委員會委員張國柱直斥民政處離譜，「佢哋通常用最低價招標，就咁call tender（招標）就算，價低者得嘅質素有幾好？都唔使點講啦！」張建議除增加罰則，亦可由地區或志願團體招募居民當義工。
民政事務總署發言人承認，曾分別接獲區議員及兩間長者中心的投訴，該署已向承辦商發出口頭及書面警告，並將事件記錄在案，現正研究懲處方式。據悉承辦商亦已將有問題員工解僱。