11/02/2010

播放本新聞相關短片

政情：華叔：六次化療ＫＯ肺癌

曾經踢爆「搞事四人組」秘密飯局嘅民主黨元老司徒華雖然證實患上第四期肺癌，但仍然不改硬朗樂觀嘅性格，佢尋日親身交代病情，講說話中氣十足，指經過一次化療後癌病細胞指數由四十降到三十四，顯示腫瘤縮細，如果情況繼續好轉，做多五次化療指數就可以降到四度，到時就可以完全戰勝癌病。雖然康復速度唔可以咁計，但難得華叔積極豁達，就已經戰勝咗癌病嘅一半。