阿芳十三歲起吸食海洛英，毒癮有廿多年，於十多年前她懷有長女時亦有吸食海洛英，至長女出生後更將其送給母親代為照顧：「當時冇諗過食白粉會影響個大女，只係好唔願生佢！」兩母女關係至今仍非常疏離。

做個負責任媽媽

至一年前她意外懷孕，打算到內地墮胎，醫生卻以胎兒周數太短而拒絕為她進行手術，感到無助之際，主動找香港戒毒會社工求助，再轉介至醫院。醫生建議她停服海洛英，並以每日五十度的美沙酮取代，並定時覆診及出席各種禁毒講座。她憶述：「諗住四十幾歲都唔會咁易有BB，但依家有咗，惟有貫徹始終，做個負責任嘅媽媽！」

她續稱，懷孕期間經常提心吊膽，擔心胎兒出生後會有很多併發症，幸好女兒出生初期只出現「忟憎」及不肯進食的「典癮」情況，經醫院治療廿一日，她的毒癮已消失。

除了次女現時身體健康，阿芳亦能大減毒癮，由懷孕時每日服五十五度美沙酮，減至現時每日十度。她期望能徹底戒除毒癮，重過新生活。