三太本身已經係東華三院總理，又係澳門旅遊娛樂公司董事，自己仲喺荷李活道經營古董店添，真係百足咁多爪。

消息話，喺日前舉行嘅政協第十屆廣東省常委第十次會議上，三太藉增補而成為新科政協，佢係廣東新會人，一介女子能夠做廣東政協，都叫做衣錦還鄉啦。

而四太梁安琪參政經歷比三太更豐富，佢做咗多年江西省政協，近年又當選澳門立法會議員，今後三太同四太一定係多咗好多共同話題嘞。三太對初長成嘅兩女一子學業同品行都好關心，去年暑假，龍鳳胎何超蓮被星探喺街上「發掘」，話要捧佢做模特兒，超蓮雖然有興趣，但乜都要問過媽咪，因為媽咪話一定要讀好書先再講其他。