【本報訊】「我聽到舊舖成棟樓冧晒，嚇到依家要食驚風散！」曾租用事發唐樓地舖經營成衣出口店逾八年的黃先生，因租約期滿搬走個多月後，一家人慶幸逃過大災難，男東主良久未能平復情緒，更要服用驚風散「定驚」。
避過一劫的黃與妻子昨日心情忐忑，意外後陸續有逾卅名街坊前來慰問，又送贈下午茶和驚風散，但夫婦兩人仍然難免激動，更希望該班受影響舊街坊吉人天相。黃稱：「當初我係迫於無奈咁搬走，仲嫌呢度冇舊舖咁旺驚冇生意，估唔到今次一家人冇事，乜都賺返晒！」妻子亦頻呼：「真係好好彩！」
黃透露，他們搬走前，該舖早前發生塌牆事故被投訴，遭屋宇署發出修葺令。當局更提醒拆牆時，要先安裝工字鐵鞏固，但有街坊聲稱昨未見工字鐵。黃續笑說：「我諗今晚應該瞓唔着，所以啲街坊約定我哋去唱Ｋ散心！」