推銷市場宣傳伎倆五花八門，甚至有人在行人路欄杆加建鐵架懸掛廣告，惟部門卻鮮有執法。張先生早前途經牛頭角振華道近街市一段行人路時，發現欄杆上方遭人以「燒焊」形式加建鐵架，用以展示大型廣告，「平時嗰啲最多都係綁上去啫，咁樣焊上去真係好離譜！」
當區區議員黃偉達批評當局鮮有主動巡查，「喺欄杆違規掛廣告周圍都見，食環署通常係有投訴至做嘢，搞到啲人更加有恃無恐。依家仲焊埋上去，直情係挑戰政府！」
食物環境衞生署發言人指出，經派員巡查後，證實上址行人路欄杆掛有推銷廣告，但覆查時則發現有關橫額已被移走。至於欄杆被燒焊鐵架一事，該署已知會路政署跟進。凡未經許可而於政府土地展示或張貼招貼或海報，即屬違法，最高可被罰款一萬元。