另類方法

現於澳門×龍夜總會工作嘅PR YoYo自言天生係肥妹仔一名，而且非常易肥，所以終日都要同肥胖搏鬥，直至近年，阿妹發現所有運動或飲食方法都係多餘，事關只可以保持身形，想有效減肥根本唔係人人都得，所以就積極研究減肥良方，直至畀男友嫌棄佢肥後，Yo Yo就學識愁人減肥法。「呢種減肥法一字記之曰愁，因為愁至可以令情緒低落，心情差就對所有嘢都提唔起興趣，尤其是冇胃口食嘢，咁就可以極速減肥嘞！」我好懷疑Yo Yo係有情緒病，皆因做人都為咗開心，但阿妹為咗減肥終日鬱鬱寡歡，咁就算身材弗爆都冇用啦！

諗負面嘢

Yo Yo話未試過嘅人唔會徹底明白愁眉苦臉減肥幾有功效，而佢就以過來人身份同大家分享。阿妹話：「我用呢個方法超過兩年，只係起初一個月感到唔開心，之後就已完全適應，體重由一百廿幾磅到依家得番一百磅唔夠，係咪好犀利呢！其實我並非叫大家終日都唔開心，係面對誘惑時要諗啲負面嘢，例如美食當前，普通人會覺得好有口福，只要諗深一層，美食會令你變肥，咁就明白佢係會害咗你，呢個時候就要發愁，咁就可有效節制食欲啦！」雖然阿妹話好有功效，但咁做確實離譜，減肥減到冇晒人生樂趣，咁又何必呢！

唔少PR為咗靚靚，都跟Yo Yo學減肥，仲話好有效添！真係唔明女人係點諗嘢！而Yo Yo就話：「你淨係睇表面當然唔得啦，我明白愁人減肥法係好多負面情緒，但我哋可以將負面情緒轉化為力量，以我為例，每次有負面情緒時就會好想搞嘢，於是有人客坐枱就會零舍醒神，上床仲加倍投入添，咁就達到雙贏局面，人客得益，我哋又開心囉！」咁講又唔同，如果係咁，人客又唔介意你繼續發愁，但最怕囡囡冇厘心機架！

Yo Yo Profile：

年齡：20歲

三圍：34、24、33

身高：5呎4吋

撰文：祖 攝影：生