身兼立法會議員嘅謝偉俊（Paul）同馮檢基（ＫＫ）等，佢哋亦都係之前已經對林煥光嘅委任唔多滿意，點知茶敍之後，阿Paul就更激心。阿Paul話茶敍多數時間都係得林煥光一個人講嘢，認為林煥光應該聽多啲其他人意見。佢又表示感覺到唔少委員都對林煥光有啲抗拒，認為林煥光忽然空降，好似阿媽忽然帶咗個新老竇返屋企要班仔女認咗佢咁，唔係可以完全接受。

ＫＫ就話覺得林煥光提出嘅管治理念同佢幾一致，不過口講無憑，做落先真，睇嚟林煥光要各個委員都信任佢，仲要下一番苦功嘞！