21/01/2010

播放本新聞相關短片

政情：KK大包圍論嫻姐出山

工聯會九龍東票后陳婉嫻表明無意參加五區總辭補選，但工聯會就不斷游說嫻姐出山。呢個游說過程中，副會長黃國健（KK）回應傳媒時，就好似睇相佬咁乜都噏齊晒，即係噏乜都中，佢最初話未必會派人參選，後來又話嫻姐出選與否要視乎工聯會想唔想要個位喎。到咗尋日，距離泛民辭職仲有一星期，KK直情話嫻姐有機會出山，同其他建制派政黨傾掂就得嘞。