水桶陣現身於紅磡站D出口外的行人通道多時，每日上下班均經過通道的阿明（化名）發現，去年十一月初起，即見通道上被放置多個水桶，天花不斷有水滴滴下，「嗰度日日都咁多人行，有時啲人排隊搭巴士仲會排到上嚟，擺咁多個水桶喺度阻住晒，地下又滴到一地都係水，唔戟死都跣死！」
就現場所見，出現滲漏的天花位於車站中層隧道，分別通向紅磡體育館、香港理工大學、過海隧道巴士總站，並連接通往尖東之行人天橋。在記者仔細檢視下，發現一條喉管不斷有水滴下，另一鐵製管道亦有塗抹防漏物料痕迹，疑為滲漏源頭所在。
防滲物料差 維修馬虎
港鐵發言人承認，受去年十一月十五及十六日兩場天雨影響，車站部分位置出現漏水情況，車站職員採取臨時措施，在有雨水滲漏位置放置水桶，並在水桶旁放置「小心地滑」警告牌提示乘客，隨後亦已進行防漏工程。不過，阿明在去年十二月二十八日發現，同一位置竟然再次出現「水桶陣」，對港鐵的維修坦言「不敢恭維」。
事實上，紅磡站大堂於○七年九月亦曾因滲漏而出現水桶陣，乘客陳小姐亦對事件記憶猶新，不滿港鐵未有吸取教訓，「咁多水桶阻住晒，莫講話會整親啲長者，我哋後生嘅都容易仆親啦！」
港鐵發言人證實，由於去年十一月時所用之物料未能有效防漏，已更換物料再次進行修補，並會密切留意情況。
「除咗要即時防止滲漏，最緊要係搵出究竟係咩原因導致雨水滲到落隧道天花，要徹底維修至得！」資深工程師陳延年指出，雨水可能從馬路或溝渠，滲入隧道之間的泥層，又經過中間接駁位置令天花漏水。陳指天花內亦藏有不同喉管，萬一接駁欠佳，亦有機會導致滲漏。
議員促徹查漏水源頭
立法會民政事務委員會委員王國興指摘港鐵輕視車站管理，亦未有對症下藥，「一個月內漏兩次水，好明顯就係維修有問題，只係做面頭嗰『浸』！」王國興直斥港鐵只覆蓋漏水的位置是治標不治本，「成日擺水桶唔係辦法」，促請港鐵徹查漏水的源頭，根治問題。
■記者 蕭智湲