就站牌錯字逾兩年未有跟進一事，港鐵發言人未有正面回應，只稱接獲本報轉介後已立即跟進，並更換有關指示牌，又檢查車站內其他標誌，均發現正確無誤。

沙田區區議員衞慶祥指出，「甩點」事件看似微不足道，但足以反映港鐵只顧發展巿區鐵路，忽視新界鐵路事務，「兩鐵合併咗咁耐，冇理由仲犯啲咁小嘅錯！畀人嘅感覺好似一啲都唔重視新界嗰邊啲站！」衞認為港鐵應加強管理，以完善各站之設施。