大家都好想知阿季好番未，佢就話暫時只係得面上嘅傷口拆咗線，身上就仲有幾處傷口未好。阿季同我哋呻話依家連波都冇得踢，但就話自己嘅傷唔會影響佢參與五區公投，事關佢負責用腦，唔使點擔擔抬抬喎。

諗番事發當日，阿季話希望大家慢慢淡忘件事，唔好再提起。雖然阿季身上嘅傷差唔多好番，但佢個心有幾傷就真係冇人知喇。

另外，尋日同場都有一個稀客出現，嗰個就係預計會辭職嘅立法會議員梁家傑嘅太太陳淑儀嘞，梁太喺○七年已經幫過梁家傑競選特首，佢話今次出嚟純粹係因為自己好支持公投呢個活動，同老公將會辭職再參選並無關係喎。