Starry尋日喺立法會提出保障消費者嘅動議，自爆十多年前被騙瘀事。佢話有日行街畀星探中，落足嘴頭游說佢做模特兒，聲稱有堂上有嘢學，令入世未深嘅Starry為之心動，碌卡畀咗接近兩萬銀「按金」。

Starry起初見有堂上不虞有詐，誰知上完堂後無晒下文，始知「財到光棍手」。但佢害羞唔敢話畀家人知，亦無去投訴。筆卡數最後點還，Starry就無講嘞。不過佢學生人家輕易碌卡二萬銀，除咗證明佢好恨做模特兒，仲揭露咗佢係好富有嘅學生添。

Starry尋日講起畀人呃仲好激氣，話呢種呃人星探至今仍四出兜搭，佢拖住阿囡出街，星探照樣向其女兒埋手，認真離譜。