對於呢個其實目的都係為咗擺平各方勢力嘅「建議」，前排我哋撞到龐愛蘭，佢話短期內都唔會加入任何政黨，又話自己總結○八年嘅選舉經驗，其實係輸在起步太遲，所以依家已經早有準備，又諗定招數應付泛民嘅告急戰略，好大機會參選。

除咗自由黨同龐愛蘭，沙田區嘅民建聯區議員葛珮帆都躍躍欲試。新界東被視為喺補選中建制派較有機會奪得議席嘅一個選區，所以唔想白白浪費呢個機會，不過最終邊個出選，唔到最後一分鐘，都仲可以變。