違泊問題無日無之，執法者有法不執，將令違規者更加肆無忌憚，「老虎頭上釘蝨乸」事件勢有增無減。與大圍田心警署僅一牆之隔的顯和里，每逢入夜後即變身重型貨車「免費停車場」，不斷進出警署的執法人員卻視若無睹，過去一年只發出五十張告票。議員直斥警方處理過於寬鬆，不但難起阻嚇作用，更有縱容違規之嫌。
記者 徐少琴
大圍顯和里平日車流不多，入夜後卻別有一番景象，只有約一百米長的車路與行人路泊滿貨櫃車及重型貨車，儼如私人停車場。居於附近的羅先生指出，田心警署正正位於顯徑街與顯和里交界，違泊地點與警署只相隔一道圍牆，卻鮮見警員巡邏及檢控，「晚晚十點過後就泊滿貨車，明明隔籬係警署都冇警察理，仲好似攞正牌泊車咁，到底係咩世界？」羅先生曾多次向警方反映，警方卻「一於少理」。
剷上行人路違泊
記者曾於多個晚上實地視察，每次均發現有不同大型貨車及貨櫃車違泊，原本的兩條行車線卻有整整一條遭違泊貨車佔據，只餘一條車道可供車輛同時出入。為佔盡所有空間，部分貨櫃更索性「剷上」行人路，變身夜間「違泊樂園」。
警方發言人承認曾接獲有關投訴，並一直有留意上述情況。過去一年，田心警署派員在大圍顯和里一帶，共向違例車輛發出五十張定額罰款通知書。
「嗰個位喺正田心警署隔籬，身為執法人員都唔檢控，真係好諷刺！」沙田區區議員何厚祥認為，大型貨櫃車佔用行人路後，行人將被迫行走車路，一旦再有大型車輛駛入，將會構成人命傷亡危險，直指警方無視違泊問題等同漠視行人安全。
何又指，警方過去一年僅有五十宗檢控，平均一星期不足一宗，直指數字全無阻嚇作用，促警方加強執法的同時，長遠亦須加強配套設施，增加泊車位，「唔係就咁檢控咗、派多咗啲牛肉乾（告票）就算，如果唔係只會趕咗佢哋去其他地方（違）泊，將問題帶去第二度。」
開引擎噪音擾民
「成間警署喺正隔籬都搞成咁，點同市民交代！」立法會交通事務委員會委員王國興亦稱，違泊不但對行人構成危險，亦會衍生噪音問題，「呢啲唔係一般私家車，重型車開引擎起碼要成兩、三個字（十至十五分鐘），要啲居民朝朝都受噪音騷擾，警方真係要做嘢！」