發叔尋日喺鄉議局執委會上警告，新大樓工程事關重大，各委員要勇於承擔工作和責任，如果各委員真係因為公務或私務纏身而無暇兼顧工作，應該讓位畀其他有興趣嘅委員。

不過，尋日局方都有個好消息，就係立法會議員譚耀宗、劉江華及陳克勤親身到鄉議局，代表黨捐出兩萬元支持局方興建新大樓。雖然出手與一班商界大孖沙捐款相差甚遠，但發叔話捐款可作為良好示範，喚起更多人支持鄉議局工作喎。