香港護士總工會、華員會護士分會及登記護士分會昨合辦座談會，逾四十名護士出席，向胡定旭大吐苦水。

伊院急症室護士透露，因長期人手短缺，管理層以假期挽留有意離職的同事，「職位一樣，但佢可以唔使當夜班，假期更比我哋多，根本好唔公平，令其他人好唔忿氣，士氣好差。」

「幾乎日日畀病人鬧」

有離職護士批評薪酬太低，「我○五年畢業後簽三年合約，但三年冇加過人工，咁嘅待遇根本留唔到人，合約完咗起碼有三分一人離職。」有護士亦稱，自從明愛醫院發生病人失救事故後，「我哋幾乎日日畀病人鬧，勸人戴口罩都可以話侵犯人權。」她希望當局多作宣傳，提高公眾尊重醫院守則及醫護人員的意識。

胡定旭承認，部分護士待遇的確不合理，但由於護士人手眾多，薪酬問題需小心考慮，認為增加人手為當前急務。