郊區停車場使用率長期偏低，最終衍生違泊問題。今年七月中左右，陳先生發現西貢水浪窩停車場內有一部廢棄私家車，懷疑屬長期停泊，已即時通知警方跟進，但逾四個月後，發現廢車仍紋風未動，「架車冇車牌，車頭同車殼都拆爛晒，好明顯係廢車，點解投訴咗咁耐都冇人理！」
警方發言人表示，經調查後，證實上址有廢棄車輛長期停泊，已即時通知大埔地政處跟進。大埔地政處發言人則解釋，正搜集有關車輛車主資料，以聯絡車主處理，一旦證實為棄置車輛，該處將會張貼告示，飭令佔用人在限期前清理。
對於警方與大埔地政處的執法程序，當區區議員何大偉直指處理不當，「部廢車霸咗停車場兩、三日都唔可以忍，點解仲要搞幾個月先搬走架車，使唔使咁耐？」