西人求愛

點解話夢圓好有頭腦，原來佢細個時讀書好叻，年年唔係考第一就係第二，可惜到咗高中就掛住同初戀男友拍拖，搞到無心向學，否則讀埋大學都無難度呀！又難怪嘅，夢圓自發育開始，胸部就特別長肉，細細個都有成34吋，啲男同學仔見到，唔流晒口水就奇。

夢圓話：「當年真係幾多人追我o架，但偏偏個個都唔揀，就揀咗個最花心嘅男仔嚟拍拖，最後搞到讀書唔成，仲連初夜都畀佢呃埋添。」分手之後夢圓曾經有段時間自修，後來喺外資公司打過工，同啲西人有講有笑，外語一啲都難佢唔到，有個外籍主管仲話要同佢發展感情添，但夢圓對西人不感興趣，於是婉拒，最後為免面阻阻，仲離開咗呢間公司添。

女性本錢

就算家陣做PR，佢話人哋學成個月，佢學咗一個星期就上晒手，咁聰明嘅女仔究竟有乜大志呢？佢話：「我家陣最想就係學做生意。」咁想做乜嘢生意呢？佢話：「當然愈大愈好。」回答時心口拋拋吓，證明真係大嘅好，夢圓話：「做小生意不如唔好做，要做嘅就做大嘅。」但邊有錢呀？夢圓話：「當然用人哋嘅錢嚟做生意啦！邊有自己揼本咁笨o架！」

夢圓話自己未來會努力向上爬，最後做一個女強人，但家陣冇人冇物，憑乜嘢向上爬呢？夢圓托一托對豪乳增強氣勢咁話：「女人自有女人嘅本錢啦！」講到呢啲本錢，夢圓真係分量十足，做人有大志，點都好過冇，喺度預祝夢圓心想事成，向上爬成功啦。

夢圓小檔案

年齡：21歲

三圍：35、25、35

興趣：向上爬

撰文：小德

攝影：章