黃先生（化名）為深水埗福榮街一唐樓居民，最近發現二樓及三樓梯間突然「多咗一個門口」，在街外抬頭一望，竟赫然發現三樓外牆凸出一個僭建物，「呢幢樓一梯得兩伙，好多單位都改咗做套房出租，無端端加個門口又凸咗舊嘢出去，分明就係起多間房啫！」黃指早前大廈住戶分別接獲消防處通知，要求清理走廊雜物，黃對被牽連深感無奈，更擔心大廈走火安全，「好多層都放啲雜物出走廊，有咩事真係一鑊熟！」
曾經拆卸 後又加建
就記者現場所見，唐樓二樓及三樓的防煙門旁邊均新近加建一道大門及鐵閘，對出梯間則滿布單車、摺枱等雜物，亦有居民在走廊晾曬衣物。同時，記者又發現其中兩個樓層的防煙門長期被打開，反映住戶防火意識甚低。
對於上址走火通道放置雜物問題，消防處發言人表示已即時派員跟進，並通知物主限時清理，至於影響消防安全之構建物，則須由屋宇署跟進。
屋宇署發言人證實，經其他部門及本報轉介後，發現二樓及三樓梯間圍牆皆開鑿門口，影響逃生，鑑於有關項目因屬即時取締類別，已按《建築物條例》發出清拆令，飭令於六十日內將受影響部分恢復至與批准圖則一致。發言人又稱，根據紀錄，上址三樓單位平台曾加建僭建物，經發勸喻信後已拆卸，至於最近重新加建情況，將會派員跟進。
「冇投訴就乜都唔做」
「關乎人命點都要着緊啲！唔係冇投訴就乜都唔做，如果巡密啲、做多啲防火宣傳，問題自然少好多！」深水埗區議會副主席譚國僑坦言，區內不少舊樓走火通道均有雜物阻塞問題，當局卻常以資源有限及私人住宅為由，未有優先處理問題，有罔顧巿民安全之嫌。
香港業主會會長佘慶雲則直斥政府對私廈欠缺支援，令小業主求助無門，「一有事就要全幢大廈業主承擔，小業主真係好無奈！」
倘生事故租客業主齊齊賠
即使個別單位僭建而影響走火通道，惟一旦發生事故引致傷亡，全幢大廈的業主亦難逃責任賠償。法律界人士梁永鏗稱，倘大廈居民因僭建門口阻礙逃生而引致傷亡，除單位業主須承擔賠償責任外，租客如擁有物業管有權，亦須同時承擔責任，「如果租客同業主賠唔到，就有可能要全幢大廈業主一齊承擔，齊齊賠償！」
■記者 吳琰玲