無論泛民嘅算盤打唔打得響，但外界早就覺得由立法會調查呢宗涉及「桃色」同緋聞嘅事件，聆訊證供就變得好八卦，令市民覺得好似睇緊娛樂新聞咁。

為確保立法會嘅形象不受損害，每一步都要做得好小心，仲要執正嚟做。立法會秘書處對今次調查煞有介事，仲會由秘書長吳文華親自操刀，坐落調查委員會做秘書實。Pauline趕緊參考外國調查類似事件嘅個案，從中吸取經驗，藉此確保調查委員會無論係閉門會議或者公開聆訊都能夠按規程去做，仲要勒住議員提問唔好過晒火位。

此外，點樣令事件女主角有尊嚴咁協助委員會調查，都係一個棘手難題，睇怕今次又要考Pauline嘅智慧。