低碳飲食係指食少啲肉，減少因為畜牧業所排放嘅二氧化碳等溫室氣體，煮食方面就主要用蒸同烚，用少啲煎、焗、烤、炆等要用好多能源嘅方法。克勤仔同潘潔尋日就揀咗煮西芹炒蝦球，兩樣食材都易熟，符合低碳要求。

克勤仔自爆，雖然自己少入廚，但最拿手就係煎牛扒女友，不過煎牛扒都花唔少時間，呢味菜真係一啲都唔低碳。潘潔就話老公最鍾意食獅子頭，所以周末到佢掌廚都會煮嚟吓老公，不過獅子頭多肉之餘，仲要先煎後炆，同樣唔多環保。睇嚟如果克勤仔同潘潔要貫徹低碳，真係要改吓煮食習慣嘞！