本文重點
【本報訊】父母與子女吵架時，雙方很多時會無心地說出難聽的話語傷害對方。原來令青少年最傷心的，是聽到父母要趕他們離家。十六歲的崔淑慧曾有這種經歷，與家人吵架時，雙親不問問題，責罵她更趕她出街，盛怒下離家出走，幸好冷靜下來最終返回家中。
淑慧憶述，去年她在家中與孖生妹妹因功課吵架，父母此時剛返家中，見狀冇查問為何如此嘈吵。
與父母冷戰三日
她說：「當時佢哋要趕住煮飯，見我哋嘈又鬧埋一份，差啲仲想郁手打人，鬧吓鬧吓佢哋就話：『咁唔鍾意留喺度你就走啦！你同我走呀！我睇你走得去邊！』」
「聽到呢啲說話真係好嬲，當時就即刻攞起銀包、電話就走落街！行一陣冷靜咗就返屋企，但之後都同父母冷戰咗兩、三日！」她希望父母即使有意見，亦不要「趕子女出街」，因部分青少年可能離家出走會遇到意外，對雙方也不是好事。