據悉，瑪麗醫院手術室護士集體請病假後，醫管局主席胡定旭曾親自與多個部門的前線護士會面，當時已有私家病房護士趁機吐苦水，指流失率勁高，私家病房護士人手比普通病房更少，試過一名護士照顧超過六至八名私家病房病人。

學護頂上連踩兩晚夜更

在瑪麗醫院實習的港大護理學系學生亦透露，工作量多及正規護士缺乏，院方最近竟要求實習學護連踩兩晚夜更、即每晚八時半至早上六點半工作，連「正職護士都唔會咁辛苦」。

港大血液及腫瘤科講座教授梁憲孫指，該院無論私家或普通病房都經常爆滿，無法為私家症預約病床。他擔心若暫停八張私家病床，私家病人要逼回普通病房。他說：「成間醫院都唔夠護士，院方係咪要諗吓加人工或津貼留人呢？」

李國麟建議當局盡快制訂長遠人手規劃，並加開護士長或以上職位挽留人手，「私家醫院有晉升，人工又高，公院護士梗係走啦，醫管局政策太死板，應該拎錢出嚟留人或加人工」。護協將進行問卷調查，向深切治療部、手術室、腎科及心臟科深切治療部等不同專科護士了解部門人手及工時等情況。

劉女士：「院方應該請多啲護士。我探嘅病人住私家房，見佢發燒就㩒鐘叫姑娘嚟睇吓，點知好耐都冇人嚟，係要出去嗌先有人理。瑪麗以前做得好好，依家好明顯人手唔夠。」	冼女士：「好難先搵到啲姑娘，人手的確唔夠。我覺得係因為工時過長、壓力大先搞到依家護士流失率咁高。」	楊太：「住大房（普通病房）多數係窮人，冇得揀，反而住私家病房嘅人可以選擇轉去其他私家醫院。」

「公院唔係服務有錢佬」

醫學會會長謝鴻興認為，公立醫院主力照顧貧苦大眾，「唔係服務有錢佬」，促請當局停止全港公立醫院私家症服務，集中人手處理普通病房病人。

瑪麗醫院回覆指，私家病房目前使用率未達飽和，加上在長假期間，病床的非緊急服務使用率較低，故院方安排在聖誕長假時段，因應服務需求作適當調配。另為應付季節性流感高峰期，院方在各部門一直按服務需求作調動，安排員工放假，令他們有喘息機會。