本文重點
愛瑪仕（Hermes）有一種吸引力，最叻擄獲淑女芳心，除咗手袋之外，依家天口凍，佢哋軟滑保暖嘅Cashmere頸巾亦自然成為襯衫妙品，早排喺會展舉行「中國之夜」，出席嘅前全國政協常委張永珍就戴咗條近萬元橙色Hermes Cashmere頸巾，雖然條頸巾簡簡單單，但係反而映襯出一份低調嘅貴氣。之前自由黨區議員方國珊（哪吒）喺另一個場合都戴住同一條頸巾，不過哪吒嗰條就係佢契媽送嘅，相信一定暖入心。
柔軟輕盈富彈性
講開Hermes，雖然佢哋嘅手袋令人神往，但其實佢哋嘅絲都一樣唔嘢小，愛瑪仕最初以馬具、馬鞍同皮袋起家，不過創業一百年後，開始研究絲呢樣物料，絲嘅特點係極度柔軟、輕盈同富彈性，而且時間愈耐，質感就愈e陛A就好似毛皮一樣，愈久愈顯露精細嘅紋理。1937年，愛瑪仕創作第一款絲巾 “Jeux des omnibus et Dames blanches” 面世，亦標誌住愛瑪仕新紀元嘅誕生。
卓妮