大埔區區議員王秋北不滿康樂及文化事務署處事被動，未有定期巡查，並落實執行修剪樹木工作，「啲樹唔係就咁種咗喺度就算，仲要成日修剪打理。啲樹枝斷咗咁耐都冇人清理，大風啲分分鐘吹落嚟，真係好危險！」王促康文署定時修剪樹木及加強巡查。

康文署發言人指出，接獲轉介後，已即時安排移除上址斷枝，另已提醒職員與承辦商，須加強留意樹木生長情況及採取跟進行動。