申報曾考慮聘王麗珠

阿Paul話佢舊時做大律師嗰陣都曾經留過鬚，後來轉做律師先無再留，上個星期佢同白姐姐飛咗去夏威夷旅行叉電，所以無剃幾日鬚，佢見依家自己個Look都幾有浪子Feel，所以都諗緊好唔好繼續留。

人哋話浪子回頭金不換，依家阿Paul又想做番浪子，睇怕白姐姐都要買定驚風散喺屋企看門口，隨時攞嚟定驚。

喺尋日發言時，阿Paul為免瓜田李下，佢都有申報曾經考慮過聘請畀甘威怒炒嘅王麗珠，結果王女士去咗甘威處上工，阿Paul就負責提動議叫議員唔好就事件查落去，真係世事難料。