曾醫生尋日向樹仁大學新聞與傳播學系學生講解人類豬流感最新進展，面對二百幾名學生，唔少仲係將來會同佢過招嘅記者。

原來曾醫生九六年首次喺電視出鏡，起初成日撞板，後來要去政府舉辦嘅傳媒訓練班學嘢，自己依家嘅出鏡經驗已經係「老餅」。佢話，傳媒成日批評政府隱瞞、麻木不仁、中途轉軚、行政混亂，呢啲批評都有正面作用嘅，就係令佢制訂措施時更加考慮市民嘅需要。