早前一個晚上十一點幾，我哋撞到小霍戴住CAP帽、手抽住件西裝，隻身出現中環鏞記門外。過咗無耐，佢架OLYMP1C1座駕終於嚟到，手持外套嘅小霍同司機寒暄幾句後，就將佢件西裝拋入車廂，親自駕車走人。唔通小霍嘅公子個個都忙於工作，搞到佢要咁黯然自己一個去鏞記食飯？

非也！原來嗰日係東亞運開幕禮綵排嘅大日子，完咗之後小霍仲請班工作人員去附近嘅鏞記食嘢，慰勞吓大家，只不過嗰晚小霍有事自己走先啫。啟剛女友郭晶晶早前擔任「拒吃魚翅形象大使」，小霍大可以遲啲帶晶晶去試吓啱啱被廣州列為廣東十大名菜嘅鏞記燒鵝，實行一家人齊齊撐枱腳！