本文重點
卓妮鍾意搵好嘢食，尋日喺沙田馬場遇到一向對食有要求嘅馬會董事李國棟，李醫生有好嘢介紹，話食過一味廣州葵花雞，肉香骨脆，咁啱另一馬會大董范徐麗泰路過，都話葵花雞令佢一試難忘。
范太一試難忘
李國棟一向識飲識食，而范太就同卓妮講過，鍾意食嘢，不過唔會揀飲擇食，難得范太對一味菜咁高評價，卓妮梗係要問多幾句啦。范太話，葵花雞源自南沙葵花園，有一次跟廣東社團總會副主席楊志紅去南沙食過，從此一試難忘，事關啲雞唔係食一般飼料，而係全部用矜貴嘅葵花種子餵大，加上通山走，運動量勁，所以煮熟後皮香肉嫩，雞骨特軟，仲完全無皮下脂肪，啱晒佢同李國棟呢類「無乜Quota」嘅人食。美食有價，范太話，喺廣州白天鵝賓館叫一碟葵花雞要四百蚊人民幣。
卓妮