名牌香奈兒向來係名媛淑女「聖物」，今個冬季嘅「潮物」，包括鞋頭有Chanel凸起標誌嘅綁帶長靴，用佢配短裙，展現一對修長美腿，低調得嚟不失貴氣，盛惠一萬三千蚊。
已故富豪林百欣養子林建康太太黃寧艷係Chanel嘅忠實粉絲。林生愛駒「勇敢小子」尋日喺沙田馬場勝出頭馬，林太以一身Chanel Look演繹淑女拉頭馬風範，佢以Chanel今季新款嘅長靴，配襯舊年春天款式、售價二萬幾蚊嘅Chanel牛仔布手袋。
今年初添丁嘅林太經過積極瘦身後，成功踢走四十磅肥肉。身形Fit晒，自然着乜衫都Carry到，着針織衫都難唔到佢。林太尋日拉頭馬，以佢呢身行頭，絕對唔失禮。計計數，尋日「勇敢小子」勝出帶挈馬主袋三十五萬幾銀獎金，用佢嚟買Chanel手袋，閒閒哋可以買十個八個！
卓妮