屹立灣仔六十載的龍門大酒樓，全幢大廈早前以四億二千萬售出，昨日是結業前最後一個周日，大批舊街坊、年輕男女、攝影發燒友，蜂擁至酒樓各處拍照及品嘗瀕臨絕迹的舊式點心，一樓及二樓近五十圍枱，整日爆滿，茶客起碼有三百人，部分茶客更要等位，職員也忙拿着杯碟茶壺，滿場飛招待食客。

伍先生一家三口昨到「龍門」飲茶後，拿着收據合照留念。

食客「打蛇餅」等候出爐美食。

懷舊無價 加價無問題

不少熟客搶得點心時，發現部分點心的分量小了，價錢又高了一點。原來，酒樓近日將小點、中點升級為大點，大點價錢亦由十二元上調至二十元。龍門大酒樓執行董事謝啟英承認，由於供應商減少供貨、食物成本增加，再加上要增聘臨時工人應付突增客人，因而將部分點心「升呢」及於晚市設立最低消費，近日生意額確實較結業消息傳出前增加一至兩成。

伍太一家三口表示：「幾年前來食過，價錢無咁貴，今次食咗六件點心，埋單要成一百八十蚊。」不過，很多老顧客對加價不以為然，林先生四十年前開始到「龍門」飲早茶，一直光顧至今。「過去幾十年來，唔通酒樓無加過價咩？就算真係畀佢搶幾日錢都無問題啦，始終呢度對我係有一份情意結！」