蔡卓妍：「我有兩隻比熊犬，自己好注重衞生，其實唔會太擔心，亦唔會因此減少同狗仔親密行為。我會密切留意事態發展，都唔想佢哋因為我而生病。」
熊黛林：「（狗隻感染豬流感）咁嚴重？我會好好保重身體，因為依家病毒變得好快，大家都要小心，有病一定要戴口罩。公眾場合有人咳得好大聲都冇戴口罩，唔係咁好！如果知道自己身體不適，都唔會親近隻狗。」
傅明憲：「好擔心，唔擔心自己受感染，只擔心狗隻健康同安全，人傳人都唔驚，最重要自己做足防疫措施。帶狗隻出街盡量避免去人多地方，自己會好小心，注意衞生，去完街一定洗手先摸愛犬。都擔心自己傳染愛犬，因為我哋好CLOSE（親密），平時一齊瞓。」
陳淑蘭：「養有兩隻狗同一隻貓，對於有關報道有啲擔心同好驚，平時我會同狗仔咀嘴、食飯同瞓覺，有時出去放狗，佢哋會聞坑渠，呢啲係佢哋天性。但唔會減少愛錫動物，會繼續同佢哋一齊食飯一齊瞓。」
