年前厚德街巿一場三級大火引發的消防問題陸續浮現，繼領匯拒絕承擔改裝消防花灑費用後，食物環境衞生署亦要求檔戶自行清拆檔頂及加裝消防花灑，遭商戶以「縮骨」形容。區議員指食環署轄下街巿面對相同問題，正組織小商戶向食環署爭取合理權益，不排除有進一步抗議行動。
北葵涌街巿設有二百二十六個攤檔，消防處巡查後發現，街市多個檔戶在檔頂加建貨架或假天花，阻礙消防花灑運作，涉違反《消防規例》，限時改善。在街市售賣玉器的陳先生稱，檔位裝置廿年來從未有變，且一直相安無事，對早前突然被要求自行拆除檔頂一事大為苦惱，「拆咗個頂，淨係裝番個鐵網就好容易畀人撬開偷嘢！」
恐惹蟲鼠毀貨物
陳向食環署表明反對拆除假天花，反被署方要求自費加裝消防花灑，令陳大表不滿，「個檔係食環署嘅，依家要我畀錢裝，第時唔做又要拆番、還原番個檔畀佢（食環署），點都講唔通啦！」經營服裝店的馬女士則擔心拆除檔頂會引發衞生問題，更坦言「老鼠曱甴易請難送」，貨物一旦損毀將血本無歸。
經檔戶力爭後，食環署雖願意代為拆除檔頂，但安排卻再起爭議。邱女士說：「要我哋清晒舖頭啲嘢，連飾櫃貨架都要自己拆咗先肯開工，仲話要做三日！拆檔頂加番個鐵網啫，使乜整咁耐！」邱不滿期間無法營業外，更未獲安排地方暫存貨物，現仍與食環署繼續商討安排。
工程三天阻經營
一直跟進個案的葵青區區議員梁子穎直指食環署在事件中推卸責任，「場地係政府嘅，防火設施又係基本嘢，冇理由要租戶自己拆自己裝！」梁指消防處正陸續要求全港街市「執正」過去違規項目，估計續有其他街市檔戶將面對同一問題，現正組織小商戶向食環署爭取合理安排，不排除有進一步抗議行動。
「其實好多檔戶租嗰陣已經係咁，過咗咁多年先至話唔符合《消防條例》，食環署應該負番責任！」全港公共街市販商大聯盟主席黃齊偉坦言，倘食環署堅持「不負責任」，大聯盟亦將收集檔戶意見，向食環署爭取到底。
食環署發言人稱，檔戶可自行拆除檔頂未經批准的固定建構物，該署與建築署亦會協助檔戶拆除檔頂和設置保護網，需時約三天。至於該署轄下其他街市檔頂違規情況以及所涉數字等，發言人未有回應。
■記者 徐少琴