27/11/2009

播放本新聞相關短片

政情：白姐姐參選狙擊毓民長毛

繼金勞詹詹培忠聲言跟隨泛民主派辭職，再空降港島區參選搞局後，金勞詹嘅徒弟、旅遊界立法會議員謝偉俊尋日亦決定玩埋一份，但唔係佢自己辭職參選，而係支持白姐姐出戰。白姐姐批評社民連議員黃毓民同梁國雄成日喺議會內爆粗掟嘢，教壞細路，損害議會尊嚴，揚言如果佢兩個辭職再補選，佢一定處女下海參選狙擊。白姐姐不時講三級笑話同疑似粗口嚟搞氣氛，若然到時與毓民、長毛齊齊去選舉論壇，肯定要加「PG」警告先至出到街！