雖然狗女未搵到伴，不過啱啱喺四川探完另一個「愛女」熊貓「晴晴」返嚟嘅陳晴就話，依家兩歲零九個月嘅「晴晴」有三個男朋友仔，其中一個叫「歡歡」，經常畀「晴晴」蝦，連佢呢個做「媽咪」嘅都睇唔過眼笑囡囡係脾氣王，問熊貓女性格係咪似佢，陳晴即時面紅紅咁話︰「呢樣就唔好講啦！」

之前為咗大熊貓基地重建基金籌款而出書嘅陳晴，為咗寫好本書辭咗份高薪厚職嘅投資工作，依家本書再版，個基金又已經達到一半目標，但係陳晴話依家幫緊聯合國兒童基金會同海洋公園保育基金做慈善，已經夠晒忙，所以未諗搵工。