據與會者透露，席間小超人坦誠分享事業路上嘅經驗，指自己都曾經遭遇挫折，勸勉學生只要吸取經驗，虛心學習，就能迎接面前挑戰。

長實貴賓室舉行

港大生之所以有機會可以同小超人交流個幾小時，要多謝經濟動力，呢個係經濟動力同港大合辦嘅「Meet the Entrepreneurs」系列第三炮。小超人作風一向低調，所以定喺長江集團中心貴賓室舉行。

長實旗下生意龐大，小超人平日勁忙，都肯抽空同班學生見面，經濟動力3L都算大面子囉。

而尋日3L之中，梁劉柔芬同梁君彥都唔見人，只有林健鋒（Jeffrey）做主持。Jeffrey話，好多港大生同小超人接觸過後，都讚小超人係一個熱愛家庭、關心下屬同關顧社會嘅商界領袖。

卓妮