22/11/2009

播放本新聞相關短片

政情：林D9暗示補選勁倒公帑落海

民主派對五區總辭各懷鬼胎，搞到內訌咁滯，連民主黨黨鞭司徒華都出嚟喝住。不過，政府就率先計定數，政制及內地事務局局長林瑞麟尋日主動對記者透露，如果進行補選，經費開支要一億五千萬元公帑。政府平日做乜都慢半拍，突然變得咁有效率，實無死錯人，林D9喺呢個時候列出五區總辭補選嘅帳單，無非想話畀大家聽，泛民玩總辭，由市民埋單，等如將錢擲落鹹水海；若然成事，實在係累街坊之作。