教協尋日搞「讀書嘉年華」開幕禮，永亨銀行係贊助商，永亨馮氏兄弟馮鈺斌、馮鈺聲一齊出席。馮鈺斌話，自己都係愛書之人，平時鍾意睇財經同物理類書籍，同佢嘅金融界背景好配合。煲呔曾弟婦買雷曼迷債提早獲賠風波，近日稍為淡靜落嚟，問佢點睇呢件事，點知佢一聽到「特首」兩個字，即刻笑住走人，一於當無聽過。