本文重點
今年樓價急速上升，自豪宅創天價後，好多用家及投資者均抱觀望態度，令樓宇買賣成交量急跌。究竟現時樓價水平係咪過高呢？卓妮日前遇到合和實業主席胡應湘夫人胡郭秀萍去中國會食飯。胡太一向投資有道，於是問她點睇樓市，會否覺得樓價過高？胡太就話，樓價無話高定唔高嘅，有供有求，只要有人買咪就得嘞。
唔敢喺高價入市
內地人來港投資多多都買得起，但不斷追價只會愈炒愈貴，令中小型樓價跟隨上升，會否擔心樓市形成泡沫呢？胡太坦言，如果炒起樓市嘅係內地人，就算有乜損失都係佢哋啫！意思係話內地人炒燶都係惡果自招，雖然某程度上都講得啱，但泡沫始終會殃及本地用家。所以胡太好老實，話自己唔敢喺現時咁高價位入市住，睇定啲先再作決定。
胡太又話，佢依家搞嘅地產業務無以前咁多，但佢覺現時賣樓透明度無以前咁高，事關以前賣樓清清楚楚，至於有乜唔清楚，胡太就無詳細交代嘞。
卓妮