原來係「籌款磁石」嘅阿姐，細細個已經同籌款好有淵源；佢話以前讀小學時已經成日參加學校嘅賣旗日，嗰陣仲會同同學仔比賽，係咁喺北角嘅大街小巷度「兜生意」，務求幫慈善機構搵到最多善款！阿姐由細已經咁有善心，唔怪得一直都有咁多人敬佩啦！

尋日有份幫手賣旗嘅仲有和富社會企業會長李宗德；佢話以前喺街邊做籌款活動，都試過畀人請食檸檬，不過呢種失敗嘅經驗，令佢體會到做慈善事業一定要好多人不停努力咁延續落去。可能都係因為咁，佢先會創立和富社企，落力幫助有需要嘅人。